Россия Федерациясының Қубла федерал университети ҳәм Өзбекстан Көркем өнер академиясы жанындағы Көркем өнер билимлендириўи бағдарындағы педагог ҳәм қәниге кадрларды қайта таярлаў ҳәм олардың маманлығын арттырыў орайы арасында бирге ислесиў Меморандумына қол қойды.
Онлайн түрде өткерилген ушырасыўда тәреплер улыўма мақсетлер, көркем өнер билимлендириўи тараўында жетик кадрларды таярлаў, биргеликтеги билимлендириў бағдарламаларын жолға қойыў ҳәм өз-ара тәжирийбе алмасыў ҳаққында келисимге еристи.
Өзбекстан Көркем өнер академиясының мағлыўматына бола, бул Меморандумға билимлендириўдиң сапасын арттырыў , заманагөй методологияларды енгизиў ҳәм еки мәмлекет арасында мәдений бирге ислесиўди және де беккемлеў мақсетинде қол қойылды.
Сондай-ақ, бул келисим оқытыўшылар ҳәм қәнигелердиң маманлығын арттырыў, жаңа инновациялық билимлендириў бағдарламаларын жаратыў, биргеликте илимий изертлеўлер алып барыў ушын беккем тийкар жаратады.
ӨзА