Республика Руўхыйлық ҳәм ағартыўшылық орайы Елликқала районлық бөлими тәрепинен мектепке шекемги ҳәм мектеп билимлендириўи бөлимине қараслы 61-санлы улыўма билим бериў мектебинде 14-январь –Ўатан қорғаўшылары күни ҳәм Қураллы Күшлеримиз дүзилгениниң 33 жыллығы мүнәсибети менен байрам илажы өткерилди.
Илажда Республика Руўхыйлық ҳәм ағартыўшылық орайы Елликқала районлық бөлиминиң баслығы А.Матниязова, Қорғаныў бөлими тәрбия ҳәм идеология ислери бойынша орынбасары Т.Раимов, әскерий хызметкер Ш.Атажанов, Миллий гвардия хызметкери, лейтенант М.Каримбаев, билимлендириў шөлкемлеринде тәрбиялық ислерди муўапықластырыў бойынша бас қәниге Э.Ачилов, педагог устазлар менен оқыўшы-жаслар қатнасты.
Илаж даўамында Ўатан қорғаўшыларының мәмлекетимиз турмысындағы әҳмийетли орны, олардың мәртлиги ҳәм пидайылығы ҳаққында сөз етилди. Мектеп оқыўшылары тәрепинен ўатансүйиўшилик руўхындағы қосықлар оқылып, сахналық көринислер қойып берилди.
Қарақалпақстан хабар агентлиги