Respublika Ruwxıylıq hám aǵartıwshılıq orayı Ellikqala rayonlıq bólimi tárepinen mektepke shekemgi hám mektep bilimlendiriwi bólimine qaraslı 61-sanlı ulıwma bilim beriw mektebinde 14-yanvar –Watan qorǵawshıları kúni hám Qurallı Kúshlerimiz dúzilgeniniń 33 jıllıǵı múnásibeti menen bayram ilajı ótkerildi.
Ilajda Respublika Ruwxıylıq hám aǵartıwshılıq orayı Ellikqala rayonlıq bóliminiń baslıǵı A.Matniyazova, Qorǵanıw bólimi tárbiya hám ideologiya isleri boyınsha orınbasarı T.Raimov, áskeriy xızmetker Sh.Atajanov, Milliy gvardiya xızmetkeri, leytenant M.Karimbaev, bilimlendiriw shólkemlerinde tárbiyalıq islerdi muwapıqlastırıw boyınsha bas qánige Е.Achilov, pedagog ustazlar menen oqıwshı-jaslar qatnastı.
Ilaj dawamında Watan qorǵawshılarınıń mámleketimiz turmısındaǵı áhmiyetli ornı, olardıń mártligi hám pidayılıǵı haqqında sóz etildi. Mektep oqıwshıları tárepinen watansúyiwshilik ruwxındaǵı qosıqlar oqılıp, saxnalıq kórinisler qoyıp berildi.
Qaraqalpaqstan xabar agentligi