Мельбурн қаласында өткерилип атырған теннис бойынша Австралия ашық чемпионатында таңлап алыўдың екинши басқыш ойынлары өткерилди.
Чемпионаттың дәслепки басқышында колумбиялы Даниэль Элахи Галанды 6/3, 6/7(2), 7/5 есабында жеңип шығыўға ерискен, Өзбекстанның биринши ракеткасы Ҳумоюн Султонов екинши басқышты чехиялы Далибор Сврчинаға қарсы өткерди.
Тилекке қарсы, 101 минут даўам еткен бул ушырасыўда Султонов үшинши сетте алған жарақаты себепли, өз қарсыласына 3/6, 6/1 ҳәм 3/6 есабында жеңилип қалды ҳәм турнирди тәрк етиўге мәжбүр болды.
Адилбай Оразов,
Қарақалпақстан хабар агентлиги шолыўшысы