Melburn qalasında ótkerilip atırǵan tennis boyınsha Avstraliya ashıq chempionatında tańlap alıwdıń ekinshi basqısh oyınları ótkerildi.

Chempionattıń dáslepki basqıshında kolumbiyalı Daniel Еlaxi Galandı 6/3, 6/7(2), 7/5 esabında jeńip shıǵıwǵa erisken, Ózbekstannıń birinshi raketkası Humoyun Sultonov ekinshi basqıshtı chexiyalı Dalibor Svrchinaǵa qarsı ótkerdi.
Tilekke qarsı, 101 minut dawam etken bul ushırasıwda Sultonov úshinshi sette alǵan jaraqatı sebepli, óz qarsılasına 3/6, 6/1 hám 3/6 esabında jeńilip qaldı hám turnirdi tárk etiwge májbúr boldı.

Adilbay Orazov,
Qaraqalpaqstan xabar agentligi sholıwshısı