Әзербайжан Республикасы Илим ҳәм билимлендириў, Денсаўлықты сақлаў министрликлери ўәкиллеринен ибарат делегация Балалар гематологиясы, онкологиясы ҳәм клиникалық иммунологиясы орайында жайласқан Мектепке шекемги ҳәм мектеп билимлендириўи министрлиги жанындағы «Меҳирли мектеп» те болды.

Буннан гөзленген мақсет, келешекте Өзбекстан ҳәм Әзербайжан Республикасы арасындағы бирге ислесиўди және де беккемлеў, сондай-ақ, госпитал билимлендириўи бойынша мәмлекетимиз жумысын Әзербайжан Республикасының усы түрдеги медицина мәкемелеринде енгизиўден ибарат.

Сапар даўамында делегация ағзалары Балалар гемотологиясы, онкологияся ҳәм клиникалық иммунологиясы орайында наўқасларға көрсетилип атырған медициналық хызмет ҳәм Өзбекстанның госпитал билимлендириўи бойынша, атап айтқанда, орайда жайласқан «Меҳирли мектеп» те балалардың билим алыўы ушын жаратылған шараятлар менен жақыннан танысты.

Делегация ағзаларына жолдаслық еткен мектепке шекемги ҳәм мектеп билимлендириўи министриниң орынбасары Сардор Ражабов усы госпитал мектепте узақ мүддет даўамында емленип атырған ҳәм мектеп яки бақшаға барыў имканиятына ийе болмаған балаларға берилип атырған билим ҳәм усы бағдардағы мәмлекетимиз тәжирийбеси менен сырт елли делегацияны толық таныстырып өтти.

Муҳайё Тошқораева, ӨзА