Ázerbayjan Respublikası Ilim hám bilimlendiriw, Densawlıqtı saqlaw ministrlikleri wákillerinen ibarat delegaciya Balalar gematologiyası, onkologiyası hám klinikalıq immunologiyası orayında jaylasqan Mektepke shekemgi hám mektep bilimlendiriwi ministrligi janındaǵı «Mehirli mektep» te boldı.
Bunnan gózlengen maqset, keleshekte Ózbekstan hám Ázerbayjan Respublikası arasındaǵı birge islesiwdi jáne de bekkemlew, sonday-aq, gospital bilimlendiriwi boyınsha mámleketimiz jumısın Ázerbayjan Respublikasınıń usı túrdegi medicina mákemelerinde engiziwden ibarat.
Sapar dawamında delegaciya aǵzaları Balalar gemotologiyası, onkologiyasya hám klinikalıq immunologiyası orayında nawqaslarǵa kórsetilip atırǵan medicinalıq xızmet hám Ózbekstannıń gospital bilimlendiriwi boyınsha, atap aytqanda, orayda jaylasqan «Mehirli mektep» te balalardıń bilim alıwı ushın jaratılǵan sharayatlar menen jaqınnan tanıstı.
Delegaciya aǵzalarına joldaslıq etken mektepke shekemgi hám mektep bilimlendiriwi ministriniń orınbasarı Sardor Rajabov usı gospital mektepte uzaq múddet dawamında emlenip atırǵan hám mektep yaki baqshaǵa barıw imkaniyatına iye bolmaǵan balalarǵa berilip atırǵan bilim hám usı baǵdardaǵı mámleketimiz tájiriybesi menen sırt elli delegaciyanı tolıq tanıstırıp ótti.
Muhayyo Toshqoraeva, ÓzA