Кәмбағаллықты қысқартыў ҳәм бәнтлик министрлиги тәрепинен 2024-жыл декабрь жағдайына бола, жоқары билимлендириў мәкемелери ҳәм профессионал билимлендириў питкериўшилериниң ярымынан көбиреги жумыс пенен тәмийинленген.

Мағлыўматларға бола, 194 417 жоқары билимлендириў питкериўшисинен 113 856 (58,6%) сының, 147 900 профессионал билимлендириў мәкемелери питкериўшисиниң 74 403 (550,3%) иниң бәнтлиги тәмийинленген.

Мүддетли әскерий хызметти өтеп мийнет базарына қайтып атырған жаслардың бәнтлиги бойынша да жумыслар алып барылған. 2024-жылы 24 545 жас хызметти тамамлаған болып, олардан:

— 17 787 си турақлы жумыс пенен тәмийинленди;

— 1 279 ы әскерий бөлимлерде хызметти даўам етпекте;

— 2 047 си жоқары ҳәм жоқары әскерий билимлендириў мәкемелерине оқыўға қабыл етилген.

Жаслардың бәнтлигин тәмийинлеўде 8 тийкарғы инструменттен пайдаланылмақта:

1. «Бирден-бир миллий мийнет системасы» арқалы бос жумыс орынларына жоллама бериў.
2. Кәсип-өнер орайларында кәсиплик көникпелер үйретиў;
3. Субсидия ажыратыў арқалы социаллық қорғаўға мүтәж жасларды қоллап-қуўатлаў;
4. Жәмийетлик жумысларға тартыў.
5. Шаңарақлық исбилерменлик бағдарламалары арқалы жеңилликли кредитлер бериў.
6. Жер майданларын онлайн аукцион арқалы ижараға бериў.
7. Жумыссызлық напақасын төлеў арқалы жасларды социаллық қорғаў.
8. Сырт мәмлекетлерге ўақытша жумыс ислеўге жибериў.

Қарақалпақстан хабар агентлиги