Kámbaǵallıqtı qısqartıw hám bántlik ministrligi tárepinen 2024-jıl dekabr jaǵdayına bola, joqarı bilimlendiriw mákemeleri hám professional bilimlendiriw pitkeriwshileriniń yarımınan kóbiregi jumıs penen támiyinlengen.
Maǵlıwmatlarǵa bola, 194 417 joqarı bilimlendiriw pitkeriwshisinen 113 856 (58,6%) sınıń, 147 900 professional bilimlendiriw mákemeleri pitkeriwshisiniń 74 403 (550,3%) iniń bántligi támiyinlengen.

Múddetli áskeriy xızmetti ótep miynet bazarına qaytıp atırǵan jaslardıń bántligi boyınsha da jumıslar alıp barılǵan. 2024-jılı 24 545 jas xızmetti tamamlaǵan bolıp, olardan:
— 17 787 si turaqlı jumıs penen támiyinlendi;
— 1 279 ı áskeriy bólimlerde xızmetti dawam etpekte;
— 2 047 si joqarı hám joqarı áskeriy bilimlendiriw mákemelerine oqıwǵa qabıl etilgen.
Jaslardıń bántligin támiyinlewde 8 tiykarǵı instrumentten paydalanılmaqta:
1. «Birden-bir milliy miynet sisteması» arqalı bos jumıs orınlarına jollama beriw.
2. Kásip-óner oraylarında kásiplik kónikpeler úyretiw;
3. Subsidiya ajıratıw arqalı sociallıq qorǵawǵa mútáj jaslardı qollap-quwatlaw;
4. Jámiyetlik jumıslarǵa tartıw.
5. Shańaraqlıq isbilermenlik baǵdarlamaları arqalı jeńillikli kreditler beriw.
6. Jer maydanların onlayn aukcion arqalı ijaraǵa beriw.
7. Jumıssızlıq napaqasın tólew arqalı jaslardı sociallıq qorǵaw.
8. Sırt mámleketlerge waqıtsha jumıs islewge jiberiw.

Qaraqalpaqstan xabar agentligi