Бердақ атындағы Қарақалпақ мәмлекетлик университетинде жоқары оқыў орынларының студент-жаслары (ерлер) арасында гандбол бойынша “Универсиада-2024” спорт жарысларының республикалық басқышы болып өтпекте.
Бүгин командалар шерек финал ойынларында қатнасып, онда республикамыз спортшылары самарқандлы гандболшыларды 31:22 есабында жеңип шығыўға еристи.
Ал, Ташкент қаласы командасы болса, Сурхандәрья ўәлаяты командасына 36:40, Наўайы ўәлаяты гандболшылары ферғаналы жасларға 26:37, әндижанлылар Сырдәрья ўәлаяты командасына 33:34, жизаққлылар наманганлыларға 28:24 есабында жеңилип қалды.
Ертең жарыстың ярым финал ойынлары болып өтеди.
Атап айтқанда, Нөкис ўақты менен саат 9:00 де Ташкент ўәлаяты Әндижан командасы менен ушырасса, республикамыз командасы
Сурхандәрья ўәлаяты командасы менен финал жолламасы ушын өз-ара ойынға түседи.
Адилбай Оразов,
Қарақалпақстан хабар агентлиги шолыўшысы