Berdaq atındaǵı Qaraqalpaq mámleketlik universitetinde joqarı oqıw orınlarınıń student-jasları (erler) arasında gandbol boyınsha “Universiada-2024” sport jarıslarınıń respublikalıq basqıshı bolıp ótpekte.

Búgin komandalar sherek final oyınlarında qatnasıp, onda respublikamız sportshıları samarqandlı gandbolshılardı 31:22 esabında jeńip shıǵıwǵa eristi.
Al, Tashkent qalası komandası bolsa, Surxandárya wálayatı komandasına 36:40, Nawayı wálayatı gandbolshıları ferǵanalı jaslarǵa 26:37, ándijanlılar Sırdárya wálayatı komandasına 33:34, jizaqqlılar namanganlılarǵa 28:24 esabında jeńilip qaldı.
Erteń jarıstıń yarım final oyınları bolıp ótedi.
Atap aytqanda, Nókis waqtı menen saat 9:00 de Tashkent wálayatı Ándijan komandası menen ushırassa, respublikamız komandası
Surxandárya wálayatı komandası menen final jollaması ushın óz-ara oyınǵa túsedi.

Adilbay Orazov,
Qaraqalpaqstan xabar agentligi sholıwshısı