«Uzbekistan Airports» компаниясы Республика АИЖСқа қарсы гүресиў орайының басламасын қоллап-қуўатлады ҳәм Өзбекстанның барлық аэропортларында «Саламат турмыс тәризи ушын» акциясын өткерди.
Акция шеңберинде сырт елден келген жолаўшыларға тест-қайыслары қуралында АИВ инфекциясына бийпул экспресс-тест тексериўинен өтиў усыныс етилди.
Акциядан гөзленген мақсет – адамлардың көпшилик бөлегин тест тексериўлерине қамтып алыў, халықты бул кеселлик, оны анықлаў, емлеў ҳәм қорғаныў усыллары ҳаққында хабардарлық дәрежесин арттырыўдан ибарат.
«Uzbekistan Airports» компаниясының мағлыўматларына бола, улыўма 12 күн ишинде республика аэропортларында 1080 адам экспресс-тест тексериўинен өткен. Соның менен бирге, «Uzbekistan Airports» компаниясы ҳәм оның қурамына киретуғын кәрханалар Республикалық қан қуйыў орайы менен биргеликте турақлы түрде донорлар күнин өткереди. Сол күни компания хызметкерлери донорлардың қанына мүтәж наўқасларды қоллап-қуўатлаў ушын қан тапсырады.
Роман БОНДАРЧУК таярлады, ӨзА