Қашқадәрья ўәлаятында «Бес баслама олимпиадасы»ның футбол бойынша жуўмақлаўшы басқышы басланды.
Жарыста елимиздиң барлық аймақларынан келген командалар төрт топарға бөлинип, жеңимпазлық ушын өз-ара гүрес алып бармақта.
Атап айтқанда, Қарақалпақстанлы жас футболшылар «В» топарында Сурхандәрья, Ферғана ҳәм Наманган ўәлаяты командалары менен келеси басқыш жолламасы ушын ойынға түседи.
Кеше дәслепки турда Сурхандәрья ўәлаяты командасы менен ушырасқан командамыз, оғада қыйын ҳәм кескин өткен ойында 5:3 есабында жеңиске еристи.
Ал, бүгин болса, командамыз ағзалары Наманган ўәлаяты командасы менен ойын өткереди.
Адилбай Оразов,
Қарақалпақстан хабар агентлиги шолыўшысы