Qashqadárya wálayatında «Bes baslama olimpiadası»nıń futbol boyınsha juwmaqlawshı basqıshı baslandı.
Jarısta elimizdiń barlıq aymaqlarınan kelgen komandalar tórt toparǵa bólinip, jeńimpazlıq ushın óz-ara gúres alıp barmaqta.
Atap aytqanda, Qaraqalpaqstanlı jas futbolshılar «V» toparında Surxandárya, Ferǵana hám Namangan wálayatı komandaları menen kelesi basqısh jollaması ushın oyınǵa túsedi.
Keshe dáslepki turda Surxandárya wálayatı komandası menen ushırasqan komandamız, oǵada qıyın hám keskin ótken oyında 5:3 esabında jeńiske eristi.
Al, búgin bolsa, komandamız aǵzaları Namangan wálayatı komandası menen oyın ótkeredi.
Adilbay Orazov,
Qaraqalpaqstan xabar agentligi sholıwshısı