Кадастр агентлиги тәрепинен тараўда коррупциялық жағдайлардың алдын алыў, тараўда жумыс алып барып атырған жаслардың креатив идеяларын үйрениў мақсетинде “9-декабрь – Халықаралық коррупцияға қарсы гүресиў күни” мүнәсибети менен Кадастр агентлиги системасында жумыс алып барып атырған хызметкерлер арасында “Коррупция – раўажланыў душпаны” атамасында видеороликлер таңлаўын жәриялаған еди.
Ташкент қаласында болып өткен финал басқышында таңлаўға келип түскен жигирмадан аслам видеороликтен, финал басқышына 10 видеороликтиң авторлары жеңимпазлық ҳәм сыйлықлар ушын беллести.
Таңлаў қатнасыўшылары арасында Қарақалпақстан Республикасы ўәкиллери тәрепинен таярланған «Ақыбет» атлы видеоролиги “Ең жақсы сценарий авторы” номинациясы бойынша сыйлықланды.
Таңлаўдың жуўмақлаўшы нәтийжелерине бола, Әндижан ўәлаяты биринши, Республика аэрогеодезия орайы екинши, Ташкент ўәлаяты үшинши орынды ийеледи.
Мағлыўымат ушын, 2021-жылы болып өткен усы бағдардағы таңлаўда Қарақалпақстан Республикасы 3-орынды ийелеген еди.
Қарақалпақстан хабар агентлиги