Kadastr agentligi tárepinen tarawda korrupciyalıq jaǵdaylardıń aldın alıw, tarawda jumıs alıp barıp atırǵan jaslardıń kreativ ideyaların úyreniw maqsetinde “9-dekabr – Xalıqaralıq korrupciyaǵa qarsı gúresiw kúni” múnásibeti menen Kadastr agentligi sistemasında jumıs alıp barıp atırǵan xızmetkerler arasında “Korrupciya – rawajlanıw dushpanı” atamasında videorolikler tańlawın járiyalaǵan edi.
Tashkent qalasında bolıp ótken final basqıshında tańlawǵa kelip túsken jigirmadan aslam videorolikten, final basqıshına 10 videoroliktiń avtorları jeńimpazlıq hám sıylıqlar ushın bellesti.
Tańlaw qatnasıwshıları arasında Qaraqalpaqstan Respublikası wákilleri tárepinen tayarlanǵan «Aqıbet» atlı videoroligi “Eń jaqsı scenariy avtorı” nominaciyası boyınsha sıylıqlandı.
Tańlawdıń juwmaqlawshı nátiyjelerine bola, Ándijan wálayatı birinshi, Respublika aerogeodeziya orayı ekinshi, Tashkent wálayatı úshinshi orındı iyeledi.
Maǵlıwımat ushın, 2021-jılı bolıp ótken usı baǵdardaǵı tańlawda Qaraqalpaqstan Respublikası 3-orındı iyelegen edi.
Qaraqalpaqstan xabar agentligi.