2024-жылы 27-октябрь күни болып өткен Өзбекстан Республикасы Олий Мажлиси Нызамшылық палатасы ҳәм жергиликли Кеңеслер депутатлары сайлаўы сайлаўшылардың белсендилиги тийкарында өтти.
Өзбекстан Республикасы Олий Мажлиси Нызамшылық палатасы, Қарақалпақстан Республикасы Жоқарғы Кеңеси, Халық депутатлары ўәлаятлық ҳәм Ташкент қалалық, районлық ҳәм қалалық кеңеслерине сайлаўларда жәми 15 млн. 27 мың 529 сайлаўшы даўыс берди. Бул сайлаўшылардың улыўма санының 74,72 процентин қурайды.
Қарақалпақстан Республикасы Жоқарғы Кеңеси, Халық депутатлары ўәлаятлық, Ташкент қалалық ҳәм районлық (қалалық ) Кеңеслерине сайланған депутатлардың партиялық тийислилиги төмендегише:
Исбилерменлер ҳәрекети –Өзбекстан Либерал-демократиялық партиясынан -1 876 орын яки 32,94 процент,
Өзбекстан Халық демократиялық партиясынан 1 162 орын яки 20,4 процент,
Өзбекстан «Миллий тикланиш» демократиялық партиясынан -1 030 орын яки 18,09 процент,
Өзбекстан «Адолат» социал-демократиялық партиясынан 857 орын яки 15,05 процент,
Өзбекстан Экологиялық партиясынан -770 яки 13,52 процентти қурайды.
ӨзА