Қазақстан Республикасының Астана қаласында Түркий мәмлекетлер шөлкеминиң Жаслар ҳәм спорт мәселелери бойынша министрлериниң 8-мәжилиси болып өтти.

Өзбекстан Республикасы спорт министри Адҳам Икромов ҳәм Жаслар ислери агентлиги директорының биринши орынбасары Дилноза Каттахонова қатнасқан мәжилис даўамында Түркий дүнья креатив жаслар орайының ашылыў мәресимин 2025-жылы Өзбекстанда өткериў ҳәм орай жумысын жолға қойыў бойынша әмелий бирге ислесиўдиң әҳмийетли мәселелери додаланды.

Додалаўлар ўақтында 2025-жылы Түркий мәмлекетлер шөлкемине ағза мәмлекетлерде өткерилетуғын жаслар жойбарлары ҳәм илажлар белгилеп алынды.

Еслетип өтемиз, 2023-жыл 3-ноябрь күни Қазақстан Республикасының Астана қаласында өткерилген Түркий мәмлекетлер шөлкеми мәмлекет басшылары кеңеси мәжилисинде Президентимиз Шавкат Мирзиёев Өзбекстанда Түркий дүнья креатив жаслар орайын ашыў усынысын билдирген еди.

Т.Рўзиев, ӨзА