13-октябрьден Өзбекстан Республикасы ҳәм Иран Ислам Республикасы ҳүкиметлери арасында исбилермен ҳәм илимий топар ўәкиллери және туристлик топарлар ушын виза процесслерин әпиўайыластырыў ҳаққындағы Келисим күшке кирди, деп хабар бермекте «Дунё» мәлимлеме агентлиги.
Бул Келисимге Иран Ислам Республикасы Президентиниң 14-16-сентябрь күнлери Өзбекстанға рәсмий сапары шеңберинде қол қойылған.
Ҳүжжет еки мәмлекет арасындағы тиккелей туристлер алмасыўын шөлкемлестириў, исбилерменлик ҳәм илимий тараўдағы биргеликтеги бағдарламлара менен жойбарларды әмелге асырыў бойынша әҳмийетли келисим өз сәўлелениўин тапқан.
Бул ҳүкиметлераралық Келисимди әмелге асырыў ушын Өзбекстан тәрепинен Өзбекстан Республикасы Сыртқы ислер министрлиги жуўапкер етип белгиленген, делинеди хабарда.
Қарақалпақстан хабар агентлиги