Házirgi kúnleri Ázerbayjanda Ǵárezsiz mámleketler doslıq awqamı sport oyınları bolıp ótpekte.

Bul jarısqa Ózbekstan saylandı komandası quramında Qaraqalapaqstanlı 20 sportshı sporttıń 9 túri boyınsha bellesiwlerde qatnasıp, sıylı orınlardı qolǵa kirgizbekte.
Atap aytqanda, Qılıshlasıw sportı boyınsha ótkerilgen bellesiwlerde erler arasında N.Keńesbaev, Sh.Abulov hám A.Oraqbaevlar finallıq bellesiwlerde rossiyalı sportshılardı 45:43 esapta jeńip, jarıs jeńimpazına aylandı.
Al, hayal-qızlar gúresi boyınsha bolıp ótken jarıslarda jerlesimiz Nafisa Shamuratova finalǵa shekem jetip keldi. Biraq, finallıq bellesiwde oǵan biraz tájiriybe jetispedi hám gúmis medal menen shekleniwge májbúr boldı.
Jarıs ele dawam etpekte.

Adilbay Orazov,
Qaraqalpaqstan xabar agentligi sholıwshısı.