Иорданияның Амман қаласында бокс бойынша 17 жасқа шекемги жас өспиримлер арасында Азия чемпионаты болып өтпекте.

Жарысқа Өзбекстан сайланды командасы қурамында қарақалпақстанлы еки боксшы қатнаспақта. Атап айтқанда, -70 кг салмақтағы боксшимиз Улбосын Жалғасбаева шерек финалда Қытай Тайпейи сайланды командасының ағзасы Ченг-Ҳуи Зоуни, ярым финалда украиналы Владислава Наляваикони 5:0 есабында жеңип, Азия чемпионатының финалына жолламаны қолға киргизди.

Жас өспиримлер арасында өткерилип атырған беллесиўлерге +80 кг салмақта қатнасып атырған Артур Кеңесбаев шерек финалда иорданиялы Исса Омарды жеңген болса, ярым финалда Олександр Хоменконға жеңилип қалды ҳәм бронза медаль ийесине айланды.

Финал ойынлары 30-апрель күни болып өтеди.

Қәбилетли боксшилеримизди жарысқа тәжирийбели тренерлерден Асқар Жуманов ҳәм Шараф Айтбаевлар таярлады.

Адилбай Оразов,    

Қарақалпақстан хабар агентлиги шолыўшысы