Иорданиянинг Амман шаҳрида бокс бўйича 17 ёшдаги ўсмирлар ўртасида Осиё чемпионати бўлиб ўтмоқда.

Мусобақага Ўзбекистон терма жамоаси таркибида қорақалпоғистонлик икки боксчи иштирок этмоқда.

Жумладан, -70 кг  вазндаги боксчимиз Улбосин Жалгасбаева чорак финалда Хитой Тайпейи терма жамаоси аъзоси Ченг-Ҳуи Зоуни, ярим финалда украинали Владислава Наляваикони 5:0 ҳисобида мағлуб этиб, Осиё чемпионатининг финалига йўлланмани қўлга киритди.

Ўсмир йигитлар ўртасида ўтказилаётган беллашувларга +80 кг вазнда Артур Кенесбаев чорак финалда иорданиялы Исса Омарни мағлуб этган бўлса, ярим финалда Олександр Хоменконга имкониятни бой бериб қўйди ва бронза медали эгасига айланди.

Финал учрашувлари 30-апрель куни бўлиб ўтади.

Истеъдодли боксчиларимизни мусобақага тажрибали мурабийлардан Асқар Жуманов ва Шараф Айтбаевлар тайёрлади.

Адилбай Оразов,

Қорақалпоғистон ахборот агентлиги шарҳловчиси