Usı jıldıń 1-aprel sánesinen baslap fizikalıq shaxslar balalardı mámleketlik mektepke shekemgi bilimlendiriw mákemelerine qabıl etiw boyınsha tek ǵana Mámleketlik xızmetler orayları yamasa Birden-bir interaktiv mámleketlik xızmetler portalına múrájat etedi.
Bul tártip Ministrler Kabinetiniń “Balalardı mámleketlik mektepke shekemgi bilimlendiriw mákemelerine qabıl etiw boyınsha mámleketlik xızmetler kórsetiwdiń administrativlik reglamentin tastıyıqlaw haqqında”ǵı qararında kórsetilgen.
Jollamalar mákemelerde orınlar bosaǵan kúni náwbet boyınsha rásmiylestiriledi. Bunda jeńillikli túrde dizimge kirgizilgenler birinshi gezekte rásmiylestiriledi.
Balalardı baqshaǵa qabıllaw boyınsha mámleketlik xızmet biypul ámelge asırıladı.
Islam Matekov,
Qaraqalpaqstan xabar agentliginiń sholıwshısı.