Ózbekstan Respublikası Prezidentiniń «Ekinshi jer júzilik urıs qatnasıwshıların xoshametlew haqqında»ǵı Pármanı hám «Eslew hám qádirlew kúnine tayarlıq kóriw hám onı ótkeriw ilajları haqqında»ǵı Qararına muwapıq, ekinshi jer júzilik urıs qatnasıwshılarınıń qálewi boyınsha olar ózleri sawash júrgizgen ellerge bir qadaǵalawshısı menen birge sapar etiwi shólkemlestiriledi, bull sapar menen baylanıslı bolǵan qárejetler mámleket tárepinen qaplanadı.
Sonday-aq, ekinshi jer júzilik urıs veteranlarınıń qálewine qaray Yalta hám Kislovodsk qalalarındaǵı «Ózbekstan» hám respublika aymaǵındaǵı barlıq sanatoriyalarǵa bir qadaǵalawshısı menen birge biypul jiberiliwi shólkemlestirilip, olar zárúrli avia hám temir jol biletleri menen támiyinlenedi.
Qaraqalpaqstan xabar agentligi