Ámiwdárya rayonındaǵı «Beruniy» mákan puqaralar jıyınında Ózbekstan Xalıq demokratiyalıq partiyası rayonlıq Keńesi tárepinen «Sociallıq járdem – rawajlanıwǵa qaray jol ashıwı kerek» atamasında akciya shólkemlestirildi. Bul haqqında Amunews.uz saytı xabar bermekte.
Akciyanı ótkeriwden tiykarǵı maqset, hayal-qızlardıń jámiyetlik-siyasiy belsendiligi, huqıqıy, medicinalıq mádeniyatın arttırıwǵa járdemlesiwden ibarat. Sonday-aq, jámiyetlik birge islesiwshiler menen birgelikte shetki aymaqlardaǵı sociallıq járdemge mútáj bolǵan analar hám balalar ushın medicinalıq kóriklerdi ótkeriw arqalı salamat turmıs tárizin úgit-násiyatlaw bolıp tabıladı.
Akciya sheńberinde «Beruniy» MPJdaǵı medicinalıq mákemede sociallıq qorǵawǵa mútáj bolǵan analar hám balalar ushın medicinalıq kórik shólkemlestirildi.
Qaraqalpaqstan xabar agentligi