Ózbekstan Respublikası Prezidentiniń “2018-jılǵı Nawrız ulıwmaxalıqlıq bayramına tayarlıq kóriw hám onı ótkeriw haqqında”ǵı qararına tiykarlanıp Qaraqalpaqstan Respublikası kóleminde ótkerilgen “Aspazlar tańlawı”nda tórtkúlli aspazlardıń qolı bálent keldi.
Qaraqalpaqstan Respublikası Aspazlar birlespesi, Sawda-sanaat palatası birgelikte ulıwma awqatlanıw tarawında xızmet kórsetip atırǵan isbilermenler (kárxana aspazları) arasında Nawrız bayramına baǵıshlanıp shólkemlestirilgen “Aspazlar tańlawı”na qala hám rayonlardan sheber aspazlar qatnastı.
Komissiya juwmaǵına kóre, ekinshi orın Shımbay, úshinshi orın bolsa Moynaq rayonları aspazlarına nesiyp etti.
Tańlawda bunnan tısqarı “Eń jas aspaz”, “Eń jaqsı salat”, “Eń jaqsı shet el taǵamı”, “Eń jaqsı úlgili aspaz” nomnaciyaları boyınsha da jeńimpazlar anıqlandı hám shólkemlestiriwshiler tárepinen múnásip sıylıqlandı.
QXA