Ózbekstan milliy pochta baylanısı operatorı respublikamızdıń pochta bazarı konyukturasın úyrenip shıqqan halda hám xalıqtıń talapların esapqa ala otırıp «Operativ pochta» jańa xızmet túrin engizdi. Bul haqqında Xabar.uz saytı xabar berdi.
Usı jıldıń 10-aprelinen baslap «Operativ pochta» xızmeti sheńberinde pochta jóneltpelerin qabıl etiw hám jetkerip beriw ushın respublikamız boylap 15 pochta baylanısı obektleri tastıyıqlandı.
Jóneltpelerdiń qabıl etiliwi hám jetkerip beriliwi qısqa qadaǵalaw múddetlerinde hám arzan bahalarda ámelge asırıladı.
Máselen, Tashkentten Nókiske shekemgi hám basqa wálayatlar oraylarına shekem jóneltpeler 24 saatishinde jetkerip beriledi hám alıwshılar jedellik penen pochta jóneltpesi haqqında telefon arqalı xabardar etiledi.
«Operativ pochta» jóneltpelerinde «Pochta baylanısı xızmetlerin kórsetiw qaǵıydaları»na muwapıq ishki pochta jóneltpeleri ushın belgilengen hújjetlerdi, is qaǵazların hám xalıq tutınıw tovarların jiberiwge boladı.
Qaraqalpaqstan xabar agentligi