Avtotransport quralları konstrukciyasınıń paydalanıw shártleri boyınsha qáwipsizligi haqqındaǵı ulıwmalıq texnikalıq reglamentke (Ministrler Kabinetiniń qararı, 2012-jıl 4-iyul, 191-san) muwapıq:
– Barlıq transport qurallarında aldınǵı, qaptal hám artqı táreptegi aynasınıń jaqtılıq ótkeriwi keminde 70 procentti qurawı kerek;
– Qaptal aynasına perde ornatıwǵa tek ǵana jolawshılar tasıwǵa arnalǵan, transport basqarıwshısınıń ornınan bólek orınlar sanı 8 den aslam hám eń awır salmaǵı 5 tonnadan artıq bolǵan avtotransport qurallarına (ayrım mikroavtobuslar, avtobuslar) ruqsat beriledi;
– Transport basqarıwshısınıń ornınan bólek orınlar sanı 8 den kóp bolmaǵan avtotransport qurallarınıń (yaǵnıy kópshilik xalıq paydalanatuǵın ápiwayı jeńil avtomobillerdiń) hár eki tárepinde artqı tárepti kóretuǵın sırtqı ayna bolǵan jaǵdayda, bul avtomobillerdiń artqı aynasına perdeler, sonday-aq, shiy perdeler hám jıynalmalı perdeler ornatıw múmkin.
Bul haqqında Ádillik ministrliginiń “Huquqiy axborot” kanalında maǵlıwmat berildi.
Qaraqalpaqstan xabar agentligi