Burın xabar etilgenindey, Ózbekstan Respublikası Oliy Majlisi Nızamshılıq palatasınıń gezektegi májilisinde deputatlar jámiyetlik turmıstıń túrli tarawlarında ámelge asırılıp atırǵan reformalardı tereńlestiriwge qaratılǵan bir qatar nızam joybarların kórip shıqtı.
Atap aytqanda, Jámiyette huqıqıy mádeniyattı arttırıw milliy baǵdarlamasınıń jańa redakciyadaǵı joybarı keń túrde dodalandı.
Májiliste atap ótilgenindey, Milliy baǵdarlamanıń maqseti nızam ústinligin, puqaralardıń huqıqları menen erkinlikleri isenimli qorǵalıwın támiyinlew, shaxsta hadallıq, juwapkershilik, shólkemleskenlik, talapshańlıq, nızamǵa boysınıwǵa tiykarlanǵan sociallıq-huqıqıy qádiriyatlar sistemasın qáliplestiriw, nızam ústinligin, puqaralardıń huqıqları menen erkinlikleri isenimli qorǵalıwın támiyinlew, minnetlemelerdiń mámleketlik uyımlar, mámleketlik emes kommerciyalıq emes shólkemler hám puqaralıq jámiyetiniń basqa da institutları, hámeldar shaxslar hám puqaralar tárepinen hújdanlı orınlanıwın hám huqıqıy normalarǵa boysınıwın xoshametlew arqalı jámiyette huqıqıy mádeniyattı arttırwıdan ibarat.
Sonday-aq, joqarı huqıqıy mádeniyat-demokratiyalıq jámiyettiń tiykarı jáne jámiyet hám mámleket arasındaǵı huqıqıy qatnasıqlar jetikliginiń kórsetkishi jáne jámiyetlik qatnasıqlardı hám processlerdi tártipke salıwǵa belsene tásir etetuǵın faktor ekenligi atap ótildi.
Jámiyette huqıqıy mádeniyattı arttırıw milliy baǵdarlamasınıń jańa redakciyada qabıl etiliwi jámiyetlik-siyasiy turmıstıń huqıqıy tiykarların bekkemlew, huqıqıy mámleket qurıwdaǵı sistemalılıqtıń belgisi bolıp esaplanadı. Usı tiykarda baǵdarlamanıń ámelge engiziliwi xalıqtıń huqıqıy mádeniyatın hám huqıqıy sanasın arttırıwǵa, elimizdiń puqaralarında Konstituciya menen kepillengen huqıqlarǵa jáne erkinliklerge qatań isenimdi qáliplestiriwge alıp keledi.
Sonıń menen bir qatarda atap ótilgenindey, bul baǵdarlamanıń qabıl etiliwi kúndelikli turmısta nızam normaların durıs engiziwge, huqıqıy hújjetlerdi qátesiz rásmiylestiriwge, mámleketlik xızmetkerlerde huqıqıy mádeniyattı hám huqıqıy sananı jańa basqıshqa kóteriwge jáne de olarda nızamlarǵa húrmet ruwxın qáliplestiriwge alıp keledi.
Májilis dawamında parlamenttiń Nızamshılıq palatasınıń wákilliklerine tiyisli basqa da máseleler dodalandı.
Ózbekstan Respublikası Oliy Majlisi
Nızamshılıq palatasınıń Málimleme xızmeti