Qaraqalpaqstan Respublikası Menshiklestirilgen kárxanalarǵa kómeklesiw hám básekilikti rawajlandırıw komitetine ótken jıl dawamında jámi 142 arza hám shaǵımlar kelip túsip, sonnan 106 jazba túrde, 36 isenim telefonı arqalı múrájat kelip tústi. Kelip túsken múrájatlardıń 62 sawda, 50 kommunal xızmetler, 12 transport hám basqa tarawlarda júzege kelgen mashqalalar haqqındaǵı múrájatlardı quradı. Usı arza hám shaǵımlar «Ózbekstan Respublikası puqaralardıń múrájatları haqqında»ǵı nızamı talaplarına tiykarlanıp kórip shıǵıldı hám olardıń 85-90 procenti tutınıwshılardıń paydasına sheshilip, 10 million 378 mıń 400 sum tutınıwshılar paydasına qayta esap-sanaq etiliwi támiyinlendi.
Qaraqalpaqstan xabar agentligi