Usı jıldıń 14-mart sánesinde paytaxtımızdaǵı Jaslar orayında Ózbekstan jaslar awqamı Qaraqalpaqstan Respublikalıq Keńesiniń baslaması menen shólkemlestirilgen Jaslar press klubınıń 3-sessiyasında qatnasqan Qaraqalpaqstan Teleradiokompaniyası direktorı Q.Naǵmetov “Qaraqalpaqstan” telekanalındaǵı informaciyalıq baǵdarlama esaplanǵan “Xabar” baǵdarlamasınıń atı ne ushın “Diyar” bolıp ózgertilgenine túsinik berdi.
Atap ótiliwinshe, Qaraqalpaqstan aymaǵında júz berip atırǵan waqıya-hádiyselerdi Ózbekstan kólemine alıp shıǵıw hám “Ózbekstan 24” telekanalında efirge berilip atırǵan “Diyor 24” baǵdarlaması ushın kórsetiw tayarlaw maqsetinde baǵdarlamanıń atı ózgertilgen.
Kórsetiw atın ózgertiw arqalı baǵdarlamanı tayarlap atırǵan jurnalist jáne texnikalıq xızmetkerler bul baǵdarlamanı Ózbekstan kóleminde tayarlap tarqatıw ushın ele de izleniwde bolatuǵınlıǵı, óz ústinde tınımsız islep, juwapkershilikti arttıratuǵınlıǵın bildirdi.
Islam Matekov,
Qaraqalpaqstan xabar agentliginiń sholıwshısı.