7-mart kúni Berdaq atındaǵı Qaraqalpaq mámleketlik universitetinde Ózbekstan jaslar awqamı Qaraqalpaqstan Respublikalıq Keńesi tárepinen «Eń úlgili sárdarlar Keńesi» atamasında tańlawdıń Qaraqalpaqstan Respublikalıq basqıshı ótkerildi.
Respublikamızdaǵı 706 mektepte 12924 klass sárdarları bar bolıp, respublikalıq basqıshqa 8 toparı qatnastı.
Tańlawda qatnasıwshılar 3 shárt boyınsha, atap aytqanda, «Bul biziń iskerligimiz, biziń jumısımız», «Biziń imkaniyatlarımız» hám «Intellektual ring» atamasındaǵı shártler boyınsha óz-ara kúsh sınastı.
Tańlaw juwmaǵında 1-7-klass sárdarlar Keńesi arasında Shımbay rayonlıq 32-sanlı orta arnawlı ulıwma bilim beriw mektebiniń «Náwshe» toparı «Imkaniyatı sheklengen balalardı kitap oqıwǵa qızıqtırıw» joybarı menen qatnasıp birinshi orındı iyelegen bolsa, 8-10-klass sárdarlar Keńesi arasında Xojeli rayonlıq 3-sanlı orta arnawlı ulıwma bilim beriw mektebiniń «Ushqın» toparı da birinshi orınǵa ılayıqlı dep tabıldı.
Jeńimpazlar shólkemlestiriwshiler tárepinen tayarlanǵan «Kamalak» kubogi, arnawlı diplom hám estelik sawǵaları menen sıylıqlandı.
Qaraqalpaqstan xabar agentligi