Mádeniyat baǵdarı boyınsha Jollıbaeva Shaxodat Quralbay qızı – 1998-jılı 31-yanvarda Taqıyatas rayonında tuwılǵan.
Sporttıń erkin gúres túri boyınsha Ózbekstan milliy saylandı komandasınıń aǵzası, sport ustası.
2014-jılı Qıtay Xalıq Respublikasınıń Nankin qalasında jas óspirimler arasında bolıp ótken 88 jazǵı Olimpiya oyınlarında 4-orındı, usı jılı 1998-2000-jıllarda tuwılǵan qızlar arasında ótkerilgen Ózbekstan chempionatında 56 kiologramm salmaqta 1-orındı, usı salmaq penen 2015-jılı Hindstan mámleketinde 2-orındı, Tayland mámleketinde bolıp ótken Aziya chempionatında 52 kilogramm salmaqta 3-orındı iyelegen.
2016-jılı Filippin mámleketiniń Manila qalasında bolıp ótken Aziya chempionatınıń qatnasıwshısı. Usı jılı qızlar arasında Ózbekstan Respublikası chempionatında 55 kilogramm salmaqta 1-orındı iyelegen. Ózbekstan sport gúresshileri associaciyası tárepinen jaslar arasında hayal-qızlar gúresi boyınsha jıldıń eń jaqsı sportshısı diplomı, Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlanǵan.
Zamanagóy málimleme texnologiyaları boyınsha da tereń bilimge iye.
Kórkem-óner jónelisi boyınsha Utemuratova Nargiza Alievna – 2001-jılı 27-aprelde Nókis qalasında tuwılǵan.
2010-2012-jılları «Kamalak yulduzlari» balalar dóretiwshiligi festivalınıń, «Sen yolǵiz emassan!» balalar forumınıń Respublika basqıshında, 2013-jılı «Kwhna zamin ohanglari» telefestivalında milliy ayaq oyını boyınsha qatnasıp, jeńimpaz bolǵan.
2012-2013-jıllarda Túrkmenstan Respublikasında shólkemlestirilgen «Avaza doslıq mekani» xalıqaralıq balalar dóretiwshiligi festivalınıń, 2017-jılı Moskva qalasında bolıp ótken «Ethno Art-Fest» festivalınıń milliy ayaq oyını boyınsha laureatı bolǵan. 2010-2012-2013-jıllarda Ózbekstan Respublikasındaǵı Koreya elshixanası tárepinen shólkemlestirilgen «Koreys tili hám mádeniyatı» forumında belsendiligi ushın sıylıqlanǵan.
2017-jılı Tashkent qalasında bolǵan «Wzbegim» festivalı qatnasıwshısı.
2016-jılı Ózbekstan «Milliy tiklanish» demokratiyalıq partiyası Qaraqalpaqstan Respublikası Keńesi tárepinen shólkemlestirilgen «Eń sheber áyyemgi dástúriy muzıka atqarıwshısı» nominaciyası jeńimpazı.
Sonday-aq, Nargiza Utemuratova sport túrlerinen de jeńimpaz bolǵan.
Qaraqalpaqstan xabar agentligi.