Ózbekstan Jurnalistleri dóretiwshilik awqamı hám Jurnalistlerdi qayta tayarlaw orayı bir qatar shólkemler menen birlikte milliy hám xalıqaralıq jurnalistikanıń eń aldınǵı jetiskenliklerin keńnen en jaydırıw, ǵalaba xabar qurallarınıń xızmetkerleri puqaralıq poziciyaların kórsetiwi ushın keń sharayat jaratıw jáne jurnalistlerde sın pikirlewdi hám talqılawdı, dóretiwshilik jumısqa jańasha kózqarastı qáliplestiriw hám xoshametlew maqsetinde «Altın qálem» XIII Milliy sıylıǵı ushın xalıqaralıq tańlaw ótkeredi.
3-may – Jáhán baspasóz erkinligi kúnine baǵıshlanǵan bul tańlawǵa 2017-jıldıń 31-martınan 2018-jıldıń 31-martına shekemgi – bir jıl dawamında gazeta hám jurnallarda basıp shıǵarılǵan, radio arqalı efirge uzatılǵan jáne televideniede kórsetilgen hám internet basılımlarında berilgen materiallar 2018-jıldıń 10-apreline shekem qabıl etiledi.
Tańlaw jeńimpazları ushın tómendegi sıylıqlar shólkemlestirilgen:
Jurnalistika tarawında bas milliy sıylıq
Jeńimpaz arnawlı diplom, «Altın qálem» kókirek belgisi, statuetkası hám Ózbekstan Respublikasında belgilengen eń kem miynet haqınıń 200 esesi muǵdarında aqshalay sıylıqlanadı.
Tiykarǵı sıylıqlar:
Eń jaqsı jurnalistlik material ushın milliy sıylıq (televidenie — 1-, 2-, 3- orınlar);
Eń jaqsı jurnalistlik material ushın milliy sıylıq (radio — 1-, 2-, 3- orınlar);
Eń jaqsı jurnalistlik material ushın milliy sıylıq (baspa ǵalaba xabar quralları — 1-, 2-, 3-orınlar);
Eń jaqsı jurnalistlik material ushın milliy sıylıq (internet-jurnalistika – 1-, 2-, 3-orınlar).
Birinshi orındı alǵan jeńimpazlar diplom, «Altın qálem» kókirek belgisi, statuetkası hám eń kem miynet haqınıń 160 esesi muǵdarında aqshalay sıylıqlanadı.
Ekinshi orındı alǵan jeńimpazlar diplom, «Altın qálem» kókirek belgisi, statuetkası hám eń kem miynet haqınıń 140 esesi muǵdarında aqshalay sıylıqlanadı.
Úshinshi orındı alǵan jeńimpazlar diplom, «Altın qálem» kókirek belgisi, statuetkası hám eń kem miynet haqınıń 120 esesi muǵdarında aqshalay sıylıqlanadı.
Xoshametlew sıylıqları ushın nominaciyalar:
ǵalaba xabar qurallarında kitapqumarlıq mádeniyatı úgit-násiyatlanǵan eń jaqsı material ushın;
shet elli jurnalisttiń Ózbekstan haqqındaǵı eń jaqsı materialı ushın;
eń jaqsı fotoreportaj;
eń jaqsı baspasóz xızmeti.
Bul nominaciyalardıń jeńimpazları diplom, «Altın qálem» statuetkası hám eń kem miynet haqınıń 50 esesi muǵdarında aqshalay sıylıqlanadı.
«Altın qálem» tańlawınıń jeńimpazların sıylıqlaw, sonday-aq, onı ótkeriwge baylanıslı jumsalatuǵın qárejetler Ózbekstan dóretiwshilerin qollap-quwatlaw «Ilham» jámiyetlik qorınıń qarjılay kómeginde ámelge asırıladı.
Sonday-aq, milliy birge islesiwshiler jáne Birlesken Milletler Shólkemi, YuNESKO sıyaqlı bir qatar xalıqaralıq shólkemlerdiń Ózbekstandaǵı wákilxanaları hám elshixanaları da óziniń xoshametlew sıylıqların shólkemlestirgen (qosımsha etiledi).
Tańlaw shártleri:
Tańlawǵa tele-, radio-, baspa materiallar jáne internet basılımlarında járiyalanǵan jumıslar usınıladı (5 ten kem bolmawı kerek).
Televidenie boyınsha videomateriallar (CD, DVD diskte) 3 minuttan 30 minutqa shekem bolıwı kerek.
Radioesittiriwler (CD, DVD diskte) 5 minuttan 30 minutqa shekem bolıwı kerek.
Baspasóz hám internet materialları túp nusqada yamasa kóshirme nusqada usınılıwı lazım.
Tańlawǵa jiberilgen materiallarǵa tómendegiler qosımsha etiliwi lazım:
– avtor haqqında maǵlıwmatnama (obektivka);
– avtordıń jasaytuǵın mánzili, úy hám jumıs telefonları;
– pasport nusqası.
Tańlaw jeńimpazların saltanatlı sıylıqlaw máresimi 2018-jıl 3-may – Jáhán baspasóz erkinligi kúninde saltanatlı túrde ótkeriledi.
Sıylıq bir adamǵa qaytadan berilmeydi.
Materiallar «Altın qálem» tańlawına dep kórsetilgen halda tómendegi mánzilge jiberiliwi tiyis:
100011, Tashkent qalası, Nawayı kóshesi, 30-jay,
Ózbekstan Jurnalistleri dóretiwshilik awqamı, 3-qabat.
Telefonlar: 244-64-61; 244-37-87.
www.journalist.uz
* * *
Qosımsha
Milliy birge islesiwshiler shólkemlestirgen nominaciyalar
Ózbekstan Kásiplik awqamları federaciyası keńesi:
«Miynet qatnasıqları sáwlelendirilgen eń jaqsı material ushın»;
«Sociallıq sheriklik temasında sáwlelendirilgen eń jaqsı material ushın».
Ózbekistan Biyǵárez baspa ǴXQ menen málimleme agentliklerin qollap-quwatlaw hám rawajlandırıw Jámiyetlik qorı:
«Innovaciyalıq ideyalardı úgit-násiyatlaytuǵın eń belsendi jurnalist»;
«Xalıq penen pikirlesiw hám insan mápleri jılı» Mámleketlik baǵdarlamasınıń orınlanıwın sáwlelendirgen eń belsendi jurnalist».
Xalıqaralıq birge islesiwshiler shólkemlestirgen nominaciyalar
YuNESKOnıń Ózbekstandaǵı wákilxanası
«Insan huqıqları boyınsha Konvenciyanıń 70 jıllıǵına baǵıshlanǵan eń jaqsı material ushın» (bilimlendiriw, mádeniyat hám ǵalaba xabar quralları tarawları boyınsha).
Project HOPE (YuSAID baǵdarlaması) (AQSh):
«Tuberkulyoz keselliginiń aldın alıw hám emlew máseleleri sáwlelendirilgen eń jaqsı material ushın».
«Tuberkulyoz keselligine shalınǵan nawqaslarǵa degen keńpeyillik» temasındaǵı eń jaqsı material ushın».
D W International (Germaniya):
«Shaxs hám jámiyet rawajlanıwı ushın úlken jastaǵı adamlardı oqıtıw/basqa kásipke baǵdarlawdıń ornı haqqındaǵı eń jaqsı material ushın» (tek ǵana baspa hám on-layn ǴXQ jurnalistleri ushın).
«Regionallıq sóylesiw» xalıqaralıq shólkemi (Sloveniya)
«Korrupciyaǵa qarsı gúresiw sáwlelendirilgen eń jaqsı material ushın».
AQShtıń Ózbekstandaǵı elshixanası
«Ózbekstan hám AQSh arasındaǵı baylanıslardıń rawajlanıwı haqqındaǵı eń jaqsı material ushın».
QXRdıń Ózbekstandaǵı elshixanası
«Shanxay birge islesiw shólkemi sheńberindegi nátiyjeli birge islesiw sáwlelendirilgen eń jaqsı material ushın».
«Qıtay hám Ózbekstan arasındaǵı eki tárepleme qatnasıqlardıń rawajlanıwı haqqındaǵı eń jaqsı material ushın».
«Bir mákan – bir jol» qurılısı sáwlelendirilgen eń jaqsı material ushın.
Túrkiya Respublikasınıń Ózbekstandaǵı elshixanası
«Ózbekstan hám Túrkiya arasındaǵı qatnasıqlar haqqındaǵı eń jaqsı material ushın»(paytaxt jurnalistleri ushın).
«Ózbekstan hám Túrkiya arasındaǵı ekonomikalıq birge islesiw haqqındaǵı eń jaqsı material ushın» (aymaqlıq jurnalistler ushın).
«Ózbekstan hám Túrkiya arasında turizmdi rawajlandırıw máselelerine arnalǵan eń jaqsı material ushın» (aymaqlıq jurnalistler ushın).
Ázerbayjan Respublikasınıń Ózbekstandaǵı elshixanası janındaǵı Ázerbayjan mádeniyat orayı
«Ózbekstan hám Ázerbayjan: Ullı jipek jolında áyyemgi zamanlardan búgingi kúnge shekem».
«Ózbekstan hám Ázerbayjan – kóp milletli hám keńpeyil eller» temasındaǵı eń jaqsı material ushın».
Oraylıq Aziya regionallıq ekologiyalıq orayınıń filialı (RECCA) «Suw-ekologiya temasındaǵı mashqalalar hám olardıń sheshimlerine arnalǵan eń jaqsı materiallar ushın» (ıqlım ózgerisi sharayatında Ózbekstannnıń qala hám awıllarında suwdı únemlew baǵdarında ámelge asırılıp atırǵan jumıslar). Foto xabarshılar, baspa hám elektron ǴXQ jurnalistleri ushın 3 nominaciya.
Gyote institutı
«Ózbekstannıń mádeniyat tarawındaǵı siyasatı máselelerine arnalǵan eń jaqsı material ushın».
Sonıń menen birge, Birlesken Milletler Shólkeminiń Ózbekstandaǵı wákilxanası, Evropada Qáwipsizlik hám birge islesiw shólkeminiń Ózbekstandaǵı joybarlarınıń koordinatorı hám Gruziya Respublikasınıń Ózbekstandaǵı elshixanası da óz sıylıqları menen qatnasıwdı rejelestirilmekte.