Foto: Ortada Alima Rametullaeva
Usı jıldıń 16-fevral sánesinde Ózbek milliy akademiyalıq drama teatrında Ózbekstan Respublikası Mádeniyat ministrligi tárepinen birinshi márte ótkerilip atırǵan «Jas diktorlar» I respublikalıq tańlawınıń jeńimpazların sıylıqlaw saltanatı bolıp ótti. Bul haqqında, ministrliktiń rásmiy veb-saytı xabar berdi.
Tańlaw juwmaqlarına muwapıq, Qaraqalpaqstan Respublikasınan Alima Rametullaeva 1-orın hám Shaxzada Bazarbaeva sıylı 3-orın jeńimpazı dep tabıldı. Jeńimpaz qızlarımızǵa noutbuk, telefon hám diplomlar tapsırıldı.
Foto: Shaxzada Bazarbaeva “Nukus FM” radiosında baslawshılıq etti
Maǵlıwmat ushın, bul tańlawǵa Ózbekstannıń barlıq aymaqlarınan tájiriybeli qánigeler tárepinen saylap alınǵan 70 ten aslam jas diktorlar qatnasıp, óz qábiletlerin kórsete aldı.
Qaraqalpaqstan xabar agentligi