Paytaxtımızda 8-mart – Hayal-qızlar kúni múnásibeti menen saltanatlı bayram ilajı bolıp ótti.
Ilajǵa barlıq tarawlarda uzaq jıllardan berli jemisli miynet etip kiyatırǵan hayal-qızlar, nuraniy analar, diniy aǵartıwshılıq hám ruwxıy-ádep-ikramlılıq tárbiya máseleleri boyınsha másláhátshiler, orınlardaǵı hayal-qızlar shólkemleriniń, túrli ministrlikler menen vedomostvolardıń wákilleri, Zulfiya atındaǵı Mámleketlik sıylıqtıń laureatları mirát etildi.
Shıǵıp sóylewshiler tárepinen elimizde hayal-qızlarımızdıń nızamlı máplerin támiyinlew, shańaraqtı, analıqtı hám balalıqtı qorǵaw, olar ushın múnásip sharayatlar jaratıw baǵdarında keń kólemli jumıslar ámelge asırılıp atırǵanı, hár qıylı tarawlarda hayal-qızlarımızdıń erisken jetiskenlikler tilge alındı.
Bayramda respublikamızdıń rawajlanıwına óziniń úlesin qosıp kiyatırǵan 200 hayal-qızǵa qımbat bahalı sawǵalar tapsırıldı.
Ilaj Ózbekstanǵa hám Qaraqalpaqstanǵa xızmet kórsetken artistlerdiń, kórkem óner sheberleriniń hám jas atqarıwshılardıń bayram koncerti menen dawam etti.
Ilajǵa Qaraqalpaqstan Respublikası Ministrler Keńesiniń Baslıǵı Q.Sariev qatnastı.
Qaraqalpaqstan xabar agentligi