Мазкур шифохонада бугунги кунгача коронавирусдан соғайганлар сони 62 нафарни ташкил этмоқда. Қорақалпоғистон Республикаси Соғлиқни сақлаш вазирлиги мутахассисларининг таъкидлашича, соғайиб чиққан беморларнинг 7 нафари Нукус шаҳридан, 3 нафари Қўнғирот туманидан, 1 нафари Қонликўл ва 1 нафари Мўйноқ туманидан бўлиб, барчаси коронавирусга чалинганлар билан мулоқот орқали юқтириб олишган. Уларнинг барчаси бутунлай соғайиб, реаблитацияга кузатилмоқда.

– Юқумли касалликлар шифохонаси шифокорлари, ҳамшира ва санитар ходимларининг куну тун қилган меҳнати туфайли бугун тузалиб чиқиб кетяпмиз, – дейди қўнғиротлик фуқаро. – Бунинг учун давлатимиз раҳбари Шавкат Мирзиёевга миннатдорлик билдираман. Барча муолажалар вақтида амалга оширилди. Барча шароитлар яратилган. Қолган беморларнинг ҳам тез орада соғайиб, оилалари бағрига қайтишини тилайман.

Қорақалпоғистон Республикаси юқумли касалликлар шифохонасидан бундай хушхабар тарқалиши давом этмоқда. Коронавирус инфекциясига чалинган фуқаролардан яна бир гуруҳи яқин кунларда бутунлай соғайиб чиқиши кутилмоқда.