Қораўзак тумани Мудофаа ишлари бўлимида Жиноят ишлари бўйича Қораўзак тумани судининг тергов судьяси Р.Матқурбонов томонидан «Коррупцияга оид ҳуқуқбузарликларни аниқлаш, уни тўхтатиш ва унга нисбатан белгиланган жавобгарлик» мавзусида учрашув ўтказилди.

Тадбирда мамлакатимизда коррупцияга қарши курашиш давлат сиёсатининг устувор йўналишларидан бири экани, бу борада амалга оширилаётган ҳуқуқий ислоҳотларнинг аҳамияти ҳақида иштирокчиларга кенг тушунтирилди.

Учрашувда коррупциянинг оқибати бутун жамиятга салбий таъсир кўрсатиши, у фуқароларнинг давлатга ва қонунларга бўлган ишончини ҳамда иқтисодий тараққиётни сусайтириб, бунинг натижасида ижтимоий тенгсизлик кучайиши қайд этилди. Шунингдек, ушбу жиноят учун қонунда қатъий жавобгарлик мавжудлиги принципига тўхталиб, бу коррупцияга қарши курашишда ҳал қилувчи аҳамиятга эга экани кўрсатиб ўтилди.

Тадбир якунида тергов судьяси Р.Матқурбонов иштирокчилар билан очиқ мулоқот ўтказиб, уларни қизиқтирган саволларга жавоб берди.

Албатта, республикамиз ҳудудларида бундай учрашувларнинг ўтказилиши жамиятда коррупцияга қарши муросасиз муносабатни шакллантириш, ҳуқуқий маданиятни юксалтириш ва қонун устуворлигини таъминлашда муҳим аҳамият касб этади.

Адилбай Оразов,

Қорақалпоғистон ахборот агентлиги шарҳловчиси