Украина, Европа ва АҚШ Россия томонидан ўт очишни тўхтатиш келишуви бузилган тақдирда кўриладиган жавоб чораси бўйича кўп босқичли режани келишиб олди. Бу ҳақда “Financial Times хабар берган.

Нашр ёзишича, Москва ҳар қандай эҳтимолий сулҳ шартини такроран бузса, Европа ва АҚШ томонидан мувофиқлаштирилган ҳарбий жавоб чораси ишга туширилади. Украина, Европа ва Америка мансабдорлари иштирокида 2025 йил декабрда Париж, 2026 йил январда Киев мезбонлик қилган музокаралар давомида ишлаб чиқилган мазкур ёндашувўтган йил сўнгида Президентлар Владимир Зеленский ва Дональд Трампнинг Мар-а-Лаго қароргоҳидаги учрашувида ҳам муҳокама қилинган.

Режага кўра, агар Россия сулҳни бузса, дастлабки 24 соат ичида дипломатик огоҳлантириш берилади ҳамда Украина армияси томонидан қоидабузарликни тўхтатиш учун зарур ҳаракатлар амалга оширилади.

Шундан кейин ҳам ҳарбий ҳаракат давом этса, иккинчи босқич ишга тушади. Бу жараёнда Киевни қўллаб-қувватловчи коалиция иштирок этади. Бу гуруҳ таркибида Буюк Британия, Норвегия, Исландия, Туркия ва Европа Иттифоқининг яна бир неча давлати бор.

Дарвоқе, келишувнинг айрим жиҳатлари ҳали аниқлаштирилмаган. Масалан, хавфсизлик кафолати узоқ муддатли сулҳга боғланмоқда, бироқ бундай сулҳнинг доираси ҳозирча аниқ белгиланмаган.

Д.Ҳакимов, ЎзА