Ukraina, Evropa hám AQSh Rossiya tárepinen oq atıwdı toqtatıw kelisimi buzılǵan jaǵdayda kóriletuǵın juwap ilajı boyınsha kóp basqıshlı rejeni kelisip aldı. Bul haqqında “Financial Times” xabar bergen.
Basılımnıń jazıwınsha, Moskva hár qanday itimallı kelisim shártlerin qaytadan buzsa, Evropa hám AQSh tárepinen muwapıqlastırılǵan áskeriy juwap ilajı iske qosıladı. Ukraina, Evropa hám Amerika rásmiyleriniń qatnasıwında 2025-jıl dekabrde Parij, 2026-jıl yanvarda Kievte bolıp ótken sóylesiwler dawamında islep shıǵılǵan bul qatnas ótken jıldıń aqırında Prezidentler Vladimir Zelenskiy hám Donald Tramptıń Mar-a-Lago rezidenciyasındaǵı ushırasıwında da dodalanǵan.
Rejege bola, eger Rossiya tınıshlıqtı buzsa, dáslepki 24 saat ishinde diplomatiyalıq eskertiw beriledi hám Ukraina armiyası tárepinen qaǵıydanı buzılıwdı toqtatıw ushın zárúr háreketler ámelge asırıladı.
Bunnan keyin de áskeriy háreket dawam ece, ekinshi basqısh iske qosıladı. Bul processte Kievti qollap-quwatlawshı koaliciya qatnasadı. Bul topar quramında Ullı Britaniya, Norvegiya, Islandiya, Túrkiya hám Evropa Awqamınıń jáne birneshe mámleketi bar.
Aytpaqshı, kelisimniń ayırım tárepleri ele anıqlastırılmaǵan. Máselen, qáwipsizlik kepilligi uzaq múddetli pitimge baylanıslı bolmaqta, biraq bunday kelisimniń kólemi házirshe anıq belgilenbegen.

D.Hakimov, ÓzA