Инвазив бўлмаган (жарроҳлик талаб қилмайдиган) СИ-шлем яратилди. Илгари фикрни ўқиш учун мияга чип ўрнатиш (Илон Маскнинг Neuralink лойиҳаси каби) керак эди. Энди эса шунчаки шлем кийиш кифоя.

UTS (Сидней Технология Университети) ва етакчи СИ тадқиқотчилари ҳамкорлигида яратилган ушбу қурилма миянинг электроэнцефалограмма (ЭЭГ) сигналларини юқори аниқликда ўқийди

Шлем миядан келаётган электромагнит тўлқинларни «тушунади» ва СИ ёрдамида уларни сониялар ичида аниқлик билан матнга айлантиради

Бош суягини тешиш ёки чип ўрнатиш шарт эмас. Бу технологияни оммалаштириш учун энг катта қадам. Инсульт ёки бошқа касалликлар туфайли гапириш қобилиятини йўқотган инсонлар энди фақат «ўйлаш» орқали яқинлари билан мулоқот қила олишлари мумкин.

Яқин келажакда матн ёзиш, хабар юбориш ёки компьютерни бошқариш учун қўллар эмас, фақат фикрни тиниқлаштириш кифоя бўлади.