Invaziv emes (xirurgiyalıq emes) JI-shlem jaratıldı. Aldın pikirdi oqıw ushın miyge chip ornatıw kerek edi (Ilon Masktıń Neuralink joybarı sıyaqlı). Endi bolsa tek ǵana shlem kiyiw jetkilikli.
UTS (Sidney Texnologiya Universiteti) hám jetekshi JI izertlewshileri menen birgelikte jaratılǵan bul qurılma miydiń elektroencefalogramma (EEG) signalların joqarı anıqlıqta oqıydı.
Shlem miyden kelip atırǵan elektromagnit tolqınlardı “túsinedi” hám JI járdeminde olardı sekundlar ishinde anıqlıq penen tekstke aylandıradı.
Bas súyegin tesiw yamasa chip ornatıw shárt emes. Bul texnologiyanı ǵalaba en jaydırıw ushın eń úlken qádem. Insult yamasa basqa kesellikler sebepli sóylew qábiletin joǵaltqan adamlar endi tek ǵana “oylaw” arqalı jaqınları menen sóylese aladı.
Jaqın keleshekte tekst jazıw, xabar jiberiw yamasa kompyuterdi basqarıw ushın qollar emes, tek ǵana pikirdi ayqınlastırıw jeterli boladı.

Qaraqalpaqstan xabar agentligi