Венесуэла Президенти Николас Мадурони қўлга олиш амалиёти давомида 32 нафар кубалик жанговар ходим ҳарбий ҳаракат ёки ҳаво ҳужуми натижасида ҳалок бўлди. Бу ҳақда «Гранма» газетасида чоп этилган Куба ҳукумати баёнотида айтилган.

– Қўшма Штатлар ҳукумати томонидан 2026 йил 3 январь куни эрта тонг қардош Венесуэла Боливар Республикасига қарши амалга оширилган жиноий ҳужум натижасида Жанубий Америка мамлакатининг тегишли идоралари илтимосига биноан Инқилобий қуролли кучлар ва Ички ишлар вазирлиги номидан миссияни бажариш пайти 32 кубалик ҳалок бўлди, – дейилган хабарда.

Ҳукумат марҳумлар “ўз бурчини қаҳрамонлик билан бажаргани, ҳужумчиларга қарши тўғридан-тўғри жангда ёки нишон тўпга тутилган пайт жиддий қаршилик кўрсатгани»ни таъкидлаган.

Расмий Гавана қурбонларнинг оилаларига ҳамдардлик билдириб, “улар шараф билан дафн қилиниши учун тегишли саъй-ҳаракат” ташкил этилишига ваъда берди. Президент Мигель Диас-Канель Кубада икки кунлик миллий мотам эълон қилди.

С.Раҳимов, ЎзА