Venesuela Prezidenti Nikolas Maduronı qolǵa alıw ámeliyatı dawamında 32 kubalı jawınger xızmetker áskeriy háreket yamasa hawa hújimi nátiyjesinde qaytıs boldı. Bul haqqında “Granma” gazetasında basıp shıǵarılǵan Kuba húkimetiniń bildiriwinde aytılǵan.

– Qurama Shtatlar húkimeti tárepinen 2026-jıl 3-yanvar kúni erte tańda tuwısqan Venesuela Bolivar Respublikasına qarsı ámelge asırılǵan jınayıy hújim nátiyjesinde Qubla Amerika mámleketiniń tiyisli uyımlarınıń sorawı boyınsha Revolyuciyalıq qurallı kúshler hám Ishki isler ministrligi atınan missiyanı orınlaw waqtında 32 kubalı qaytıs boldı, – delinedi xabarda.
Húkimet marhumlar “óz wazıypasın qaharmanlıq penen orınlaǵanı, hújimshilerge qarsı tikkeley sawashta yamasa nıshana topqa tutılǵan waqıtta qatań qarsılıq kórsetkeni”n atap ótken.
Rásmiy Gavana qurbanlardıń shańaraqlarına kewil aytıp, “olardı húrmet penen jerlew ushın tiyisli háreket” shólkemlestiriliwine wáde berdi. Prezident Migel Dias-Kanel Kubada eki kúnlik milliy aza tutılatuǵının járiyaladı.

S.Rahimov, ÓzA