Саудия Арабистонининг пойтахти Ар-Риёд шаҳрида бўлиб ўтган VI Ислом бирдамлик ўйинларида мамлакатимиз спорт делегацияси жами 96 та медаль, шундан 29 та олтин, 35 та кумуш ва 32 та бронза медалларини қўлга киритиб, умумжамоа ҳисобида 57 та давлат орасида иккинчи ўринни эгаллашга муваффақ бўлди.

Қувонарлиси, юртимиз спортчиларининг бундай юқори натижага эришишида Ўзбекистон терма жамоаси таркибида иштирок этган республикамиз вакилларидан боксчи Мадияр Данияров, аёллар кураши бўйича полвон Оқтанга Кеунимжаэвалар олтин, саблячилардан Гулистон Пердебаева, Зайнаб Дайибекова, Муса Айтмуратов ва Ислам Абдазовларнинг кумуш медаллари билан ўзларининг салмоқли ҳиссаларини қўшди. Шуни айтиб ўтишимиз керакки, мамлакатимиз спорт делегацияси 2022 йилда Туркиянинг Коня шаҳрида ўтказилган V Ислом бирдамлик ўйинларида ҳам туркиялик спортчилардан сўнг иккинчи ўринни эгаллаган эди.

Спортчиларимизни ушбу катта ютуқ билан табриклаб, уларнинг келгуси мусобақаларда ҳам юқори кўрсаткичларни қўлга киритишига тилакдошлик билдирамиз!

Адилбай Оразов,Қорақалпоғистон ахборот агентлиги шарҳловчиси