Жорий йилнинг 14-19 октябрь кунлари оралиғида Қозоғистон Республикасининг Атирау шаҳрида Каспий бўйи мамлакатлари университетлари ва илмий-тадқиқот марказлари ассоциациясининг XXVII Бош ассамблеяси ва Х.Досмухаммедов номидаги Атираю университетининг 85 йиллигига бағишланган «Халел ўқишлари-2025: Замонавий фан ва таълимнинг ривожланиш тенденциялари» номли халқаро илмий-назарий конференция бўлиб ўтди.

Ушбу илмий анжуманда Бердақ номидаги Қорақалпоқ давлат университетининг Қорақалпоқ филологияси ва журналистика факультети декани, Қорақалпоқ адабиёти кафедраси профессори, филология фанлари доктори Қонақбай Турдибаев «Каспий экотизими: фан ва таълим интеграцияси» мавзусидаги Каспий бўйи давлатлари давлат университетлари ассоциациясининг XXVII Бош Ассамблеясининг ялпи мажлиси ва панель сессияларида «Ўзбекистон ва Қозоғистон таълим тизимидаги таълим тизимидаги ўзаро ҳамкорлик» мавзусидаги баёноти  билан иштирок этиб, Халил Дўстмуҳамедов номидаги Атирау университетининг 85 йиллиги муносабати билан Қорақалпоқ давлат университети томонидан тайёрланган табрикнома ва эсдалик совғаларини топширди.

Шунингдек, Х.Досмухамедов номидаги Атирау университетининг Бошқарма бошлиғи-ректор Саламат Идрисов билан учрашув ўтказилиб, унда келгусида қўшма илмий конференциялар, семинарлар ва ижодий лойиҳаларни ташкил этишга келишиб олинди.

Бундан ташқари, ташриф доирасида профессор Қ.Турдибоев Қозоғистон Республикасининг Актов шаҳридаги Ш. Есенов университетида ҳам бўлиб, бу ерда профессор-ўқитувчилари билан суҳбатлар олиб борди. Шунингдек, университетнинг моддий-техник базаси, аудиториялар билан таъминланиши, ўқитувчилар ва талабаларга яратилган шароитлар, ўқув жараёнининг ташкил этилиши ҳолатлари билан яқиндан танишди. Ташриф давомида, ушбу халқаро ҳамкорликлар натижасида профессор Қ.Турдибоев «Халил Дўстмуҳамедов номидаги Атирау университетига 85 йил» кўкрак нишони билан тақдирланди.

Адилбай Оразов,

Қорақалпоғистон ахборот агентлиги шарҳловчиси