Қурилиш соҳаси жадал ривожланаётган иқтисодиётимизнинг муҳим таркибий қисми ҳисобланади. Республикамизда 2025 йилнинг январь-сентябрь ойлари давомида жами 7 306,8 млрд. сўмлик қурилиш ишлари амалга оширилиб, ўсиш суръати ўтган йилнинг шу даврига нисбатан 110,4 фоизни ташкил этди.

Қурилиш ишлари ҳажмининг таркибида йирик қурилиш корхоналари томонидан бажарилган қурилиш ишлари 1 003,0 млрд. сўмни ташкил этиб, ўсиш суръати 126,6 фоизга эришилди, унинг жами қурилиш ишлари ҳажмидаги улуши 13,7 фоизни ташкил этди.

Кичик корхона ва микрофирмалар томонидан бажарилган қурилиш ишларининг улуши 52,8 фоизни ташкил этиб, улар ҳисобига тўғри келган қурилиш ишлари ҳажми 3 855,2 млрд. сўм миқдорида бўлиб, ўсиш суръати 109,4 фоизга эришилди.

Норасмий секторлар ҳиссасига тўғри келган қурилиш ишлари жами қурилиш ишларининг 33,5 фоизини ташкил этиб, 2 448,6 млрд. сўм миқдорида бўлиб, ўтган йилнинг мос даврига нисбатан ўсиш суръати 106,3 фоизга эришилди.

Амалга оширилган қурилиш ишларининг асосий қисми янги уй ва иншоотлар қуришга йўналтирилган. Жами қурилиш ишларининг 73,0 фоизи, яъни, 5330,6 млрд. сўмлик қурилиш ишлари иқтисодиётимизда янги ишлаб чиқариш қувватлари, уй-жой ва бошқа ижтимоий соҳа объектларига тўғри келади.

Қурилиш ишларининг энг юқори ҳажм кўрсаткичи улуши Нукус шаҳри (18,8%), Тўрткўл (7,9%), Элликқалъа (6,3%), Беруний (4,9%) туманларига тўғри келди.

Д.Абдуллаева,

Статистика басқармаси Инвестиcия

ва қурилиш статистикаси бўлимининг бош мутахассиси.

Қорақалпоғистон ахборот агентлиги