Qurılıs tarawı jedel rawajlanıp atırǵan ekonomikamızdıń áhmiyetli bólegi esaplanadı. Respublikamızda 2025-jıldıń yanvar-sentyabr ayları dawamında jámi 7 306,8 mlrd. sumlıq qurılıs jumısları ámelge asırılıp, ósiw páti ótken jıldıń usı dáwirine salıstırǵanda 110,4 procentti quradı.

Qurılıs jumısları kóleminiń quramına iri qurılıs kárxanaları tárepinen islengen qurılıs jumısları 1 003,0 mlrd. sumdı qurap, ósiw páti 126,6 procentke erisildi, onıń jámi qurılıs jumısları kólemindegi úlesi
13,7 procentti quradı.
Kishi kárxana hám mikrofirmalar tárepinen islengen qurılıs jumıslarınıń úlesi 52,8 procentti qurap, olardıń esabına tuwra kelgen qurılıs jumıslarınıń kólemi 3 855,2 mlrd. sum muǵdarında bolıp, ósiw páti 109,4 procentke erisildi.
Al, rásmiy bolmaǵan sektorlardıń esabına tuwra kelgen qurılıs jumısları jámi qurılıs jumıslarınıń 33,5 procentin qurap, 2 448,6 mlrd. sum muǵdarında bolıp, ótken jıldıń sáykes dáwirine salıstırǵanda ósiw páti 106,3 procentke erisildi.
Ámelge asırılǵan qurılıs jumıslarınıń bacım kópshiligi jańa jay hám imaratlardı qurıwǵa baǵdarlanǵan. Jámi qurılıs jumıslarınıń 73,0 procenti yaǵnıy, 5330,6 mlrd. sumlıq qurılıs jumısları ekonomikamızda jańa islep shıǵarıw quwatlıqları, turaq jay hám basqa sociallıq taraw obektlerine tuwra keledi.
Qurılıs jumıslarınıń eń joqarı kólem kórsetkishi úlesine Nókis qalası (18,8%), Tórtkúl (7,9%), Ellikqala (6,3%), Beruniy (4,9%) rayonlarına tuwra keldi.

D.Abdullaeva,
Statistika basqarması Investiciya
hám qurılıs statistikası bóliminiń bas qánigesi.
Qaraqalpaqstan xabar agentligi