Технология оламининг машҳур тадбиркори Илон Маск “Википедия”га рақиб бўлиши кутилаётган “Грокипедия” номли янги онлайн энциклопедияни тақдим этди. Маск ушбу лойиҳа ҳақида ўзининг Х (собиқ Тwиттер) саҳифасида эълон қилди. Унга кўра, бета-версия икки ҳафта ичида ишга тушади.

“Грокипедия” — Грок сунъий интеллект платформаси асосида ишлайди ва фойдаланувчиларга эркин, цензурасиз контент тақдим этишни мақсад қилади. Маск бу энциклопедияни “мавжуд алтернативалардан анча яхши” деб таърифлади.

Илон Маск аввалроқ Википедия асосчиларини сиёсий тарафкашликда айблаб, ҳатто уни “Диcкипедиа” деб номлаш учун 1 миллиард доллар таклиф қилган эди.

Янги платформа “ҳақиқат энциклопедияси” бўлишни кўзлайди — яъни, сунъий интеллект ёрдамида матнлар фактологик таҳлил қилинади, уларнинг тўғрилиги баҳоланади ва “тўғри”, “қисман тўғри” ёки “нотўғри” белгиси билан белгиланиши мумкин бўлади.

Айни пайтда, “Грокипедия” қандай ишлаши, уни кимлар таҳрирлай олиши ва контент сиёсати қандай бўлиши борасида тўлиқ тафсилотлар очиқланмаган.

Мадинабону Насриева, Улуғбек Тўхтаев, ЎзА