Texnologiya áleminiń belgili isbilermeni Ilon Mask “Vikipediya”ǵa básekiles bolıwı kútilip atırǵan “Grokipediya” atlı jańa onlayn enciklopediyanı usındı. Mask bul joybar haqqında óziniń X (burınǵı Twitter) betinde járiyaladı. Oǵan bola, beta-versiya eki hápte ishinde iske túsedi.

“Grokipediya” – Grok jasalma intellekt platforması tiykarında isleydi hám paydalanıwshılarǵa erkin, cenzurasız kontent usınıwdı maqset etedi. Mask bul enciklopediyanı “ámeldegi alternativlerden ádewir jaqsı” dep táriypledi.
Ilon Mask aldınıraq Vikipediya tiykarın salıwshılardı siyasiy tárepdarlıqta ayıplap, hátteki onı “Dickipedia” dep ataw ushın 1 milliard dollar usınıs etken edi.
Jańa platforma “haqıyqatlıq enciklopediyası” bolıwdı gózleydi – yaǵnıy, jasalma intellekt járdeminde tekstler faktologiyalıq talqılanadı, olardıń durıslıǵı bahalanadı hám “durıs”, “ayırım tárepleri durıs” yamasa “nadurıs” belgisi menen belgileniwi múmkin boladı.
Házirgi waqıtta, “Grokipediya” qalay islewi, onı kimler redaktorlay alıwı hám kontent siyasatı qanday bolıwı haqqında tolıq maǵlıwmatlar ashıp berilmegen.

Madinabonu Nasrieva, Uluǵbek Twxtaev, ÓzA